मराठी चित्रपटसृष्टी वाचवण्यासाठी १ सप्टेंबर रोजी महाराष्ट्रातील ३६ जिल्ह्यांतून मराठी कलाकार एकत्र येत जिल्हाधिकायांना निवेदन दिले आहेत. ‘मराठी चित्रपटसृष्टी बचाव आंदोलना’चे अध्यक्ष सी. ए. प्रसाद दत्तात्रय इंगवले यांच्या अध्यक्षतेखाली हे आंदोलन करण्यात येत आहे.

महाराष्ट्र शासनाच्या सांस्कृतिक विभागाने जाहीर केलेल्या सांस्कृतिक धोरण २०२४ ची अद्याप प्रभावी अंमलबजावणी न झाल्याने मराठी फिल्म इंडस्ट्रीतील कलाकारांनी एकत्र येत शासनासमोर १६ प्रमुख मागण्या मांडल्या आहेत. या मागण्यांमध्ये सांस्कृतिक धोरण २०२४ ची अंमलबजावणी व आवश्यक GR, मराठी चित्रपटांना थिएटर व प्राइम टाइमची हमी, थिएटर रेंटिंग बंद करून Revenue Sharing Model, Box Office Collection मध्ये पारदर्शकता, स्वतंत्र

डिजिटल वितरण व्यवस्था आणि चित्रपट प्रमोशनसाठी शासकीय माध्यमे सवलतीत उपलब्ध करून देणे यांचा समावेश आहे. तसेच VPF Charges रद्द करणे, प्रत्येक तालुक्यात आधुनिक थिएटर, बंद थिएटर व मिनी थिएटर सुरू करण्यासाठी अनुदान, Mobile Cinema ची सुविधा, प्रत्येक जिल्ह्यात सांस्कृतिक पोलीस सेल, कलाकारांच्या मानधनांचे थेट बँक पेमेंट, नवोदित कलाकार व तंत्रज्ञांसाठी Talent Opportunity योजना आणि नवीन लेखकांसाठी कथा-पटकथा शोध अभियान व डिजिटल डेटाबेस तयार करण्याची मागणी करण्यात आली आहे. याशिवाय दर तीन महिन्यांनी Short Film स्पर्धा, नाटक-एकांकिका – डान्स क्षेत्रासाठी Talent Hunt, प्रत्येक तालुक्यात नाटयगृह व प्रत्येक जिल्ह्यात सांस्कृतिक केंद्र,

तसेच कलाकार व तंत्रज्ञांसाठी किमान मानधन, लेखी करार, बेळेत पेमेंट आणि सामाजिक सुरक्षा लागू करण्याची मागणी आहे.चित्रपटगृहांमधील ब्लॅक तिकीट विक्रीला आळा घालणे, निर्मात्यांना दररोजचे कलेक्शन रिपोर्ट व CCTV फुटेज उपलब्ध करून देणे आणि मराठी चित्रपटांचे बोर्डिंग लावणे, यांसारख्या पारदर्शक उपाययोजनांचीही मागणी करण्यात आली आहे.

मराठी चित्रपटसृष्टीच्या विकासासाठी शासनाने केवळ आश्वासने न देता ठोस निर्णय घेऊन त्याची प्रभावी अंमलबजावणी करावी, अशी भूमिका ‘मराठी चित्रपटसृष्टी बचाव आंदोलना’च्या माध्यमातून कलाकारांनी घेतली आहे.यावेळी जिल्हा अधिकारी यांना निवेदंन देताना नगर जिल्हा कलाकार ग्रुप चे समन्वक बाळासाहेब वराळे पुष्पा परते यांच्यासह इतर कलाकार राजेश मंचरे अनिस मोहम्मद. संजय गायकवाड अयुब आतार गोरख पांढरे सुनिता सोनवणे बाळासाहेब बनसोडे अनिल सकट शंकर डुकरे ताराचंद विटनोर भारत थोरात व इतर कलावंत उपस्थित होते.

दिपक साळवे सह योगेश पवार न्युज फोर्टिन राहुरी

The post महाराष्ट्र शासनाच्या दुर्लक्षामुळे मराठी फिल्म इंडस्ट्री एकवटली; १ सप्टेंबरला ३६ जिल्ह्यांतून जिल्हाधिकाऱ्यांना निवेदन appeared first on PANTHAR DANAKA NEWS 14.

डिग्रस ग्रामपंचायतीची ग्रामसभा लोकनियुक्त सरपंच रेणुकाताई कुंडलिक गावडे तसेच सरपंच रावसाहेब मुरलीधर पवार यांच्या उपस्थितीत खेळीमेळीच्या वातावरणात पार पडली.

ग्रामसभेचे सूत्रसंचालन अंगणवाडी सेविका कांचन शरद पवार यांनी केले. यावेळी ग्रामपंचायतीचे सदस्य, डिग्रस गावातील ग्रामस्थ, अंगणवाडी सेविका तसेच डिग्रस आरोग्य हॉस्पिटलचे प्रकाश कवडे आणि आशा सेविका उपस्थित होत्या.

ग्रामसभेत गावाच्या विविध विकासकामांबाबत तसेच ग्रामस्थांच्या प्रश्नांबाबत चर्चा करण्यात आली. ग्रामस्थांनी उत्स्फूर्तपणे सहभाग नोंदवत विविध विषयांवर आपली मते मांडली.

सरपंच रेणुकाताई गावडे यांच्या कार्यकाळात आतापर्यंत झालेल्या सर्व ग्रामसभा खेळीमेळीच्या व शांततापूर्ण वातावरणात पार पडल्या असून, ग्रामस्थांच्या सहभागातून गावाच्या विकासाला चालना देण्याचा प्रयत्न केला जात आहे, असे यावेळी सांगण्यात आले.

ग्रामसभेच्या यशस्वी आयोजनासाठी ग्रामपंचायत पदाधिकारी, सदस्य, कर्मचारी तसेच ग्रामस्थांचे सहकार्य लाभले

दिपक साळवे सह योगेश पवार न्युज फोर्टिन राहुरी

The post डिग्रस ग्रामपंचायतीची ग्रामसभा खेळीमेळीच्या वातावरणात संपन्न appeared first on PANTHAR DANAKA NEWS 14.

 राहुरी नगरपरिषदेच्या वृक्ष प्राधिकरण समितीची स्थापना करण्यात आली असून, या समितीमध्ये दिपक रामजी साळवे यांची सदस्य म्हणून नियुक्ती करण्यात आली आहे. महाराष्ट्र (नागरी क्षेत्र) झाडांचे संरक्षण व जतन अधिनियमाच्या अनुषंगाने ही समिती कार्यरत राहणार आहे.

राहुरी नगरपरिषदेच्या मुख्याधिकारी तथा वृक्ष प्राधिकरण समितीच्या अध्यक्ष माननीय श्रीमती विद्या पाटील यांच्या मार्गदर्शनाखाली समितीचे कामकाज चालणार आहे. समितीच्या उपाध्यक्षपदी माननीय डॉ. सौ. उषाताई प्रसादराव तनपुरे यांची नियुक्ती असून, सदस्य म्हणून **माननीय श्री बबन कोंडीराम गुलदगड, माननीय श्री आकाश बाबासाहेब येवले आणि माननीय श्री दीपक रामजी साळवे यांचा समावेश आहे.

समितीचे सचिव तथा वृक्ष प्राधिकरण समिती वृक्ष अधिकारी म्हणून श्री शंकर रामनाथ आगलावे काम पाहणार आहेत.

वृक्ष संवर्धन, वृक्षांचे संरक्षण व संगोपन, वृक्षतोडीवर नियंत्रण तसेच पर्यावरणाचा समतोल राखण्यासाठी नगरपरिषद स्तरावर समितीच्या माध्यमातून विविध उपाययोजना करण्यात येणार आहेत. राहुरी शहरातील वृक्षसंपदेचे संवर्धन आणि पर्यावरण रक्षणासाठी ही समिती महत्त्वाची भूमिका बजावणार आहे.

दिपक रामजी साळवे यांची समितीवर सदस्य म्हणून निवड झाल्याबद्दल त्यांचे विविध स्तरातून अभिनंदन होत असून, पर्यावरण संवर्धनाच्या कार्यात त्यांच्या माध्यमातून प्रभावी योगदान मिळेल, अशी अपेक्षा व्यक्त करण्यात येत आहे.

वृक्ष प्राधिकरण समिती — राहुरी नगरपरिषद

अध्यक्ष : माननीय श्रीमती विद्या पाटील मुख्याधिकारी, गट-अ तथा अध्यक्ष, वृक्ष प्राधिकरण समिती    उपाध्यक्ष : माननीय डॉ. सौ. उषाताई प्रसादराव तनपुरे वृक्ष प्राधिकरण समिती                                        सदस्य : माननीय श्री बबन कोंडीराम गुलदगड      सदस्य : माननीय श्री आकाश बाबासाहेब येवले  सदस्य : माननीय श्री दीपक रामजी साळवे           सचिव : तथा वृक्ष अधिकारी श्री शंकर रामनाथ आगलावे. सचिव तथा वृक्ष प्राधिकरण समिती वृक्ष अधिकारी

दिपक साळवे सह योगेश पवार News 14 राहुरी 

The post दिपक रामजी साळवे यांची राहुरी नगरपरिषदेच्या वृक्ष प्राधिकरण समितीवर सदस्य म्हणून नियुक्ती appeared first on PANTHAR DANAKA NEWS 14.

सात्रळ महाविद्यालयात ‘राष्ट्रीय वैज्ञानिक दृष्टिकोन दिन’ साजरा 

पद्मश्री डॉ. नरेंद्र दाभोळकर यांच्या तेराव्या स्मृतिदिनानिमित्त विविध उपक्रमांचे आयोजन ग्रंथ प्रदर्शन , वक्तृत्व, निबंध, घोषवाक्य व पुस्तक परिचय लेखन स्पर्धेमध्ये विद्यार्थ्यांचा उत्स्फूर्त सहभाग सात्रळ दि. २१: पद्मश्री डॉ. नरेंद्र दाभोळकर यांच्या तेराव्या स्मृतिदिनानिमित्त म्हणजेच ‘राष्ट्रीय वैज्ञानिक दृष्टिकोन

दिनानिमित्त’ २० ऑगस्ट २०२६ रोजी सात्रळ महाविद्यालयात युवक-युवतींच्या विचाराला चालना देण्यासाठी विविध उपक्रमांचे आयोजन करण्यात आल्याची माहिती महाराष्ट्र अंधश्रद्धा निर्मूलन समिती, राहाता शाखेचे अध्यक्ष प्रा. डॉ. नवनाथ अंगद शिंदे यांनी दिली.   अहिल्यानगर जिल्ह्यातील राहाता तालुका महाराष्ट्र अंधश्रद्धा निर्मूलन समिती तसेच श्रेया पब्लिकेशन व नवनाथ ग्रामीण समाजसेवी बहुउद्देशीय संस्था, कोल्हार आणि कला, वाणिज्य व विज्ञान महाविद्यालय सात्रळ, मराठी विभाग आणि युवा प्रबोधन विभाग सात्रळ पंचक्रोशी यांच्या संयुक्त विद्यमाने ‘राष्ट्रीय वैज्ञानिक दृष्टिकोन दिन’ साजरा करण्यात आला. महाराष्ट्र अंधश्रद्धा निर्मूलन समिती अहिल्यानगर जिल्ह्याचे अध्यक्ष मा. श्री. अरुण कडू पाटील, कार्याध्यक्ष मा. प्राचार्य मधुकर अनाप यांनी सुचित केल्यानुसार कार्यक्रमाचे उद्घाटन दीपप्रज्वलनाऐवजी महाविद्यालयातील विद्यार्थी-विद्यार्थिनींच्या शुभहस्ते अंधश्रद्धा निर्मूलन समितीने प्रकाशित केलेल्या पुस्तकांचे प्रतीकात्मक पुस्तक प्रदर्शन भरवून करण्यात आले. निबंधलेखन स्पर्धेत अक्षदा चांगदेव घोरपडे, कार्तिक बाबुराव तांबे, आदिती बापूसाहेब मुसमाडे तसेच घोषवाक्य लेखन स्पर्धेत आरती बाबासाहेब शिंदे, माऊली कैलास घोरपडे, प्रवीण दादासाहेब साबळे यांनी तर वक्तृत्व स्पर्धेत पूजा बाबासाहेब शिंदे, अनुजा महेश पन्हाळे, ओम सुधाकर सरोदे यांनी अनुक्रमे प्रथम, द्वितीय व तृतीय क्रमांक प्राप्त केला.द्वितीय सत्रात प्रा. डॉ. नवनाथ शिंदे यांनी ‘विज्ञान आणि लोकसंस्कृती’ या विषयावर व्याख्यान दिले. यावेळी डॉ. शिंदे म्हणाले, विज्ञान आणि लोकसंस्कृती यांचा संबंध मानवी जीवन अधिक सुसंवादी बनवण्याशी आहे. लोकसंस्कृतीतल्या अनेक परंपरा, सण आणि घरगुती उपचार प्रत्यक्ष-अप्रत्यक्षपणे निसर्गविज्ञान व आरोग्याशी जोडलेले असतात. मात्र, संस्कृतीचे पालन करताना वैज्ञानिक दृष्टिकोन बाळगणे आणि अंधश्रद्धा टाळणे समाजाच्या प्रगतीसाठी गरजेचे ठरते.’ त्यांनी लोकविश्वास, लोकश्रद्धा आणि वैज्ञानिक दृष्टिकोन याविषयी विद्यार्थ्यांशी संवाद साधत सोदाहरण चर्चा केली.  ग्रंथ प्रदर्शन व ग्रंथ भेट उपक्रम विद्यार्थ्यांना आवडला. स्पर्धेत पारितोषिक प्राप्त विद्यार्थ्यांना ग्रंथ व वृक्ष भेट देण्यात आले. ज्या विद्यार्थ्यांना पुस्तक भेट देण्यात आली त्यांनी येत्या पंधरा दिवसात सदर पुस्तकाबद्दलचे ‘पुस्तक परिचय लेखन स्पर्धा’ विषयक संहिता लिहून जमा करण्याचे सूचित करण्यात आले.  विद्यार्थ्यांकडून पाच वैज्ञानिक संकल्प करून घोषवाक्यांचा जागर करत कार्यक्रमाचा शेवट झाला. सूत्रसंचालन दिपाली अरुण पोंदे यांनी केले. आभार प्रा. डॉ. गंगाराम वडीतके यांनी मानले. गौरव नितीन मुसमाडे, कृष्णा शरद कोहकडे, सजन भाग्यश्री राजेंद्र, कोमल सुरेश बलमे, श्रावणी अर्जुन हारदे, साक्षी विजय वाघचौरे, वैशाली सिताराम बर्डे, खुशबू रहेमान सय्यद यांनी परिश्रम घेतले.

News 14.  दिपक साळवे 

The post सात्रळ महाविद्यालयात ‘राष्ट्रीय वैज्ञानिक दृष्टिकोन दिन’ साजरा  appeared first on PANTHAR DANAKA NEWS 14.

राहुरी विद्यापीठ, दि. 19 ऑगस्ट, 2026 महात्मा फुले कृषि विद्यापीठ, राहुरी अंतर्गत अखिल भारतीय समन्वित कोरडवाहू फळपिके संशोधन प्रकल्प आणि डॉ. हेडगेवार सेवा समिती, कृषि विज्ञान केंद्र, नंदुरबार यांच्या संयुक्त विद्यमाने आदिवासी उपयोजनेअंतर्गत निविष्ठा वाटप कार्यक्रम व शेतकरी मेळावा मौजे श्रावणी, ता. नवापूर, जि. नंदुरबार येथे उत्साहात पार पडला. महात्मा फुले कृषि विद्यापीठाचे कुलगुरू डॉ. विलास खर्चे यांच्या नेतृत्वाखाली तसेच संशोधन संचालक डॉ. प्रशांत बोडके आणि उद्यानविद्या विभागाचे प्रमुख डॉ. भरत पाटील यांच्या मार्गदर्शनाखाली या कार्यक्रमाचे आयोजन करण्यात आले होते. यावेळी जिल्हा उपनिबंधक, सहकारी संस्था, नंदुरबार श्री. एस. वाय. पुरी, प्रकल्प संचालक, आत्मा, नंदुरबार श्री. दीपक पटेल, सहाय्यक निबंधक, नवापूर श्री. सागर गवंड, कृषि विज्ञान केंद्र, नंदुरबारचे प्रमुख डॉ. राजेंद्र दहातोंडे, शास्त्रज्ञ सौ. आरती देशमुख, पीक विशेषज्ञ डॉ. व्ही. आर. गुरवे, श्रावणी ग्रामपंचायतीच्या उपसरपंच सौ. प्रभा भाईदास कोकणी तसेच प्रतिष्ठित ग्रामस्थ श्री. संदीप ईश्वर कोकणी यांच्यासह विविध विभागांचे अधिकारी, शास्त्रज्ञ व ग्रामस्थ उपस्थित होते.

 या उपक्रमांतर्गत श्रावणी गावातील 40 आदिवासी शेतकर्यांना प्रत्येकी 25 नग केशर आंब्याची रोपे वितरित करण्यात आली. त्यासोबत प्रत्येकी 2 लिटर फुले सुपर बायोमिक्स, 2 लिटर फुले सूक्ष्म अन्नद्रव्य ग्रेड-2, कृषिदर्शनी 1 नग व सायकल कोळपे 1 नग अशा विविध कृषि निविष्ठांचे वाटप करण्यात आले. यावेळी झालेल्या तांत्रिक मार्गदर्शनात विद्यापीठातील शास्त्रज्ञांनी आंबा लागवड, पीक व्यवस्थापन, कीड व रोग व्यवस्थापन, सूक्ष्म अन्नद्रव्यांचा वापर, सेंद्रिय निविष्ठांचा प्रभावी वापर तसेच आधुनिक कृषि तंत्रज्ञान याबाबत शेतकर्यांना मार्गदर्शन केले. याप्रसंगी उपस्थित मान्यवरांनी मार्गदर्शन केले. यावेळी आदिवासी शेतकर्यांना आधुनिक तंत्रज्ञानाची जोड देऊन फळपिकांच्या माध्यमातून शाश्वत उत्पन्नाचे साधन उपलब्ध करून देणे हा या उपक्रमाचा प्रमुख उद्देश असल्याचे सांगण्यात आले. कार्यक्रमाचे नियोजन उद्यानविद्यावेत्ता डॉ. सुभाष गायकवाड, रोग शास्त्रज्ञ डॉ. प्रकाश मोरे आणि कीटक शास्त्रज्ञ डॉ. अजय हजारे यांनी केले. कार्यक्रमाच्या यशस्वी आयोजनासाठी कृषि सहाय्यक श्री. दत्तात्रय गायकवाड आणि डाटा ऑपरेटर श्री. विलास खिलारी यांनी विशेष परिश्रम घेतले.

विद्यापीठ. प्रतिनिधी. आर.आर.जाधव 

The post नंदुरबार जिल्ह्यातील आदिवासी शेतकर्यांना कृषि निविष्ठांचे वाटप appeared first on PANTHAR DANAKA NEWS 14.

राहुरी विद्यापीठ, दि. 15 ऑगस्ट, 2026 कृषि विद्यापीठाने शिक्षण, संशोधन, विस्तार शिक्षण व नवोपक्रमात उल्लेखनीय कार्य केले आहे. यामध्ये शिक्षणात विद्यापीठाने आत्तापर्यंत 1,66,170 पदव्या दिल्या आहेत. विद्यार्थ्यांच्या विकासासाठी विविध फोरम स्थापन केले आहेत. यावर्षी विद्यापीठ 11 वाण, 5 यंत्रे व 80 तंत्रज्ञान शिफारशी प्रसारीत करत आहे. विद्यापीठ कृषि विस्ताराच्या नवनविन संकल्पना राबवत आहे. यामध्ये फुले समृध्द गाव, फुले पोकरा संजिवनी गाव, शास्त्रज्ञ थेट शेतकर्यांच्या बांधावर, फुले कृषि महोत्सव याद्वारे कृषि तंत्रज्ञान प्रभावीपणे शेतकर्यांपर्यंत पोहचत आहे. कृषि विद्यापीठ हे शेतकरी विकासाचे केंद्र बनवून ज्ञान, संशोधन व तंत्रज्ञानाद्वारे शेतकर्यांचे जीवन समृध्द करुया असे प्रतिपादन महात्मा फुले कृषि विद्यापीठाचे कुलगुरू डॉ. विलास खर्चे यांनी केले.

 महात्मा फुले कृषि विद्यापीठामध्ये देशाचा 80 वा स्वातंत्र्य दिन उत्साहात साजरा करण्यात आला. यावेळी ध्वजारोहण केल्यानंतर मार्गदर्शन करताना डॉ. विलास खर्चे बोलत होते. याप्रसंगी विस्तार शिक्षण संचालक डॉ. गोरक्ष ससाणे, संशोधन संचालक डॉ. प्रशांत बोडके, अधिष्ठाता डॉ. साताप्पा खरबडे, कुलसचिव श्री. राजेंद्रकुमार पाटील,विद्यापीठ अभियंता श्री. मिलिंद ढोके, कृषि तंत्रज्ञानचे सहयोगी अधिष्ठाता डॉ. राजेंद्र हिले, प्रमुख शास्त्रज्ञ बियाणे डॉ. नरेंद्र काशीद, सर्व विभाग प्रमुख, एनसीसी अधिकारी लेफ्ट. डॉ. सुनील फुलसावंगे व सुरक्षा अधिकारी श्री. गोरक्ष शेटे उपस्थित होते.

 डॉ. विलास खर्चे आपल्या भाषणात पुढे म्हणाले की आज आपण 80 वा स्वातंत्र्य दिन साजरा करीत आहोत. विद्यापीठात खेत बचाओ अभियान यशस्वीपणे राबविण्यात आले. डॉ. एम. एस. स्वामीनाथन यांच्या संकल्पनेनुसार बायोहॅप्पीनेस सेंटरची स्थापना विद्यापीठात करण्यात आली असून याद्वारे मॉडेल व्हिलेजच्या माध्यमातून काम सुरू करण्यात आले आहे. हवामान बदलाला तोंड देणार्या सक्षम वाणांची निर्मिती, डिजिटल तंत्रज्ञान विकसीत करत आहोत. तसेच स्पीड ब्रिंडिंग यंत्रणा आपण विकसीत करणार आहोत. शेतीसमोर असलेल्या समस्यांना लक्षात घेऊन हे विद्यापीठ संशोधनामध्ये यशस्वी वाटचाल करत असल्याचे यावेळी ते म्हणाले. यावेळी पदव्युत्तर महाविद्यालय, डॉ. अण्णासाहेब शिंदे कृषि अभियांत्रिकी व तंत्रज्ञान महाविद्यालय व जिल्हा शल्य चिकित्सक, अहिल्यानगर यांच्या संयुक्त विद्यमाने रक्तदान शिबिराचे आयोजन राष्ट्रीय सेवा योजनेचे संचालक डॉ. विलास आवारी यांच्या मार्गदर्शनाखाली करण्यात आले होते. यावेळी विद्यार्थी वसतीगृहाचे भुमीपुजन तसेच फुले स्पर्धा परीक्षा मंच कार्यालय, काढणी पश्चात तंत्रज्ञान ड्राइंग शेड, कीटकशास्त्र विभागाच्या जैविक नियंत्रण प्रयोगशाळेसाठी साठवण गोदाम, उद्यानविद्या टेकडी विभागाच्या शेततळ्याजवळ पंप हाऊस व स्टोअर रूम, डेअरी विभागाचे प्रशिक्षण केंद्र, ज्वारी सुधार प्रकल्प येथील राष्ट्रीय कृषि विकास योजनेतंर्गत गोडाऊन आणि थ्रेशिंग यार्ड, उद्यानविद्या विभागातील भाजीपाला पैदासकार ग्लास हाऊस नूतनीकरण, थ्रेशिंग यार्ड, कांदा जनुकिय साठवण चाळ तसेच नैसर्गिक शेती प्रकल्प येथे शेडनेट, पॉलिहाऊस, इ-कार, सेंद्रिय निविष्ठा व उत्पादन, इ. बांधकामांचे उद्घाटन व शेतकरी-शास्त्रज्ञ उद्योजक मंचाचा शुभारंभ यावेळी कुलगुरु डॉ. विलास खर्चे यांच्या हस्ते करण्यात आले. सुरक्षा अधिकारी गोरक्ष शेटे यांनी सूत्रसंचालन केले. स्वातंत्र्यदिनाच्या या कार्यक्रमासाठी विद्यापीठातील अधिकारी, कर्मचारी व विद्यार्थी मोठ्या संख्येने उपस्थित होते.

विद्यापीठ प्रतिनिधी.आर.आर.जाधव 

The post महात्मा फुले कृषि विद्यापीठात देशाचा 80 वा स्वातंत्र्य दिन उत्साहात संपन्न कुलगुरू डॉ. विलास खर्चे appeared first on PANTHAR DANAKA NEWS 14.

सामाजिक क्षेत्रातील उल्लेखनीय कार्याची दखल घेत डॉ. प्राजक्त संदीप हिवाळे यांची डॉ.बाबासाहेब आंबेडकर इंटरनॅशनल अवॉर्ड २०२६ साठी निवड करण्यात आली आहे.याबाबतचे मंजुरीपत्र २३ जुलै २०२६ रोजी भारत सेंटर फॉर व्होकेशनल ट्रेनिंग, तामिळनाडू यांच्या वतीने प्रदान करण्यात आले आहे. पत्रानुसार, डॉ. हिवाळे यांची सर्वोत्तम सार्वजनिक सेवा या श्रेणीत निवड करण्यात आली असून, त्यांच्या सामाजिक कार्याची दखल घेत हा आंतरराष्ट्रीय सन्मान जाहीर करण्यात आला आहे. या पत्रात त्यांच्या उल्लेखनीय कार्याचे कौतुक करत भविष्यात समाजहितासाठी आणखी प्रभावी कार्य करण्यासाठी शुभेच्छा व्यक्त करण्यात आल्या आहेत या

पुरस्कारासाठी सन्मानित झाल्याबद्दल विविध सामाजिक, शैक्षणिक व वैद्यकीय क्षेत्रातील मान्यवरांनी डॉ. प्राजक्त हिवाळे यांचे अभिनंदन केले असून, त्यांच्या पुढील सामाजिक वाटचालीस शुभेच्छा दिल्या आहेत.

दिपक साळवे सह योगेश पवार न्युज फोर्टिन राहुरी

The post प्राजक्त संदीप हिवाळे यांना डॉ. बाबासाहेब आंबेडकर इंटरनॅशनल अवॉर्ड – २०२६ जाहीर appeared first on PANTHAR DANAKA NEWS 14.

 महात्मा फुले कृषि विद्यापीठ, राहुरी आणि पाणी फाउंडेशन यांच्यात फार्मर कप व डिजीटल शेतीशाळेसाठी सामंजस्य करार करण्यात आला. विद्यापीठाचे कुलगुरू डॉ. विलास खर्चे यांच्या अध्यक्षतेखाली झालेल्या कार्यक्रमात विद्यापीठाचे विस्तार शिक्षण संचालक डॉ. गोरक्ष ससाणे आणि पाणी फाउंडेशनचे मुख्य कार्यकारी अधिकारी श्री. सत्यजीत भटकळ यांनी करारावर स्वाक्षर्या केल्या.

 यावेळी संशोधन संचालक डॉ. प्रशांत बोडके, अधिष्ठाता डॉ. साताप्पा खरवडे, वनस्पतीशास्त्र विभाग प्रमुख डॉ. सुरेश दोडके, किटकशास्त्र विभाग प्रमुख डॉ. उत्तम कदम, कुलगुरूंचे तांत्रिक अधिकारी डॉ. पवन कुलवाल, कृषि अभियांत्रिकी विभाग प्रमुख डॉ. सुनील कदम, पाणी फाउंडेशनचे कार्यक्रम अधिकारी नामदेव ननावरे, कार्यक्रम समन्वयक विक्रम फाटक उपस्थित होते.

 अध्यक्षीय मार्गदर्शन करताना कुलगुरू डॉ. विलास खर्चे म्हणाले विद्यापीठाचे शास्त्रज्ञ अतिशय तळमळीने शेतकर्यांना मार्गदर्शन करत असतात. शास्त्रज्ञ पाणी फाउंडेशनच्या या उपक्रमामध्ये नेहमीच सहभागी असतात. विद्यापीठ व पाणी फाउंडशेन यांच्यामार्फत शेतकर्यांना मार्गदर्शन करण्याचे काम राज्यभर सुरु आहे. शेतकर्यांसाठी काम करण्यासाठी खुप मोठा वाव आहे. एकात्मिक शेती पध्दती प्रत्यक शेतकर्यांपर्यंत जाणे गरजेचे आहे. महात्मा फुले कृषि विद्यापीठाद्वारे विविध नाविण्यपूर्ण विस्तार उपक्रम सुरु केले आहे फुले समृध्द गावामध्ये पाणी फाउंडेशनची डिजीटल शेतीशाळेच्या उपक्रमाचा समावेश व्हावा. डिजीटल शेतीशाळा हे कृषि विस्ताराचे प्रभावी माध्यम आहे.

 प्रास्ताविकात विस्तार शिक्षण संचालक डॉ. गोरक्ष ससाणे म्हणाले की, कृषि विद्यापीठ हे नॉलेज पार्टनर म्हण्ाुन पाणी फाउंडेशनबरोबर काम करत आहे. विद्यापीठाचे शास्त्रज्ञ विविध माध्यमांद्वारे शेतकरी गटांना शेती विषयक तांत्रिक मार्गदर्शन व सल्ला देत आहेत. विविध कृषि तंत्रज्ञानावर आधारीत प्रशिक्षण साहित्य निर्मिती करुन शेतकर्यांना मार्गदर्शन करत आहे. सत्यजीत भटकळ मार्गदर्शन करतांना म्हणाले की रोजच्या डिजीटल शेतीशाळेव्यतीरिक्त पाणी फाउंडेशनद्वारे आयोजीत फार्मर कपमध्ये आठवड्यातून एकदा सहभागी शेतकरी गटांना व्हिडीओ कॉलद्वारे मार्गदर्शन करण्यात येते. यामध्ये कृषि विभाग, उमेद कर्मचारी यांची मदत घेत आहे. कृषि विद्यापीठातील विद्यार्थ्यांचा सहभाग पाणी फाउंडेशनच्या या कामामध्ये होणे आवश्यक आहे. कार्यक्रमाचे सूत्रसंचालन व आभार डॉ. सचिन सदाफळ यांनी मानले.

विद्यापीठ प्रतिनिधी. आर.आर.जाधव 

The post महात्मा फुले कृषी विद्यापीठ आणि पाणी फाउंडेशन यांच्यामध्ये सामंजस्य करार संपन्न डिजीटल शेतीशाळा हे कृषि विस्ताराचे प्रभावी माध्यम आहे असे कुलगुरू डॉ. विलास खर्चे यांनी सांगितले  appeared first on PANTHAR DANAKA NEWS 14.

पब्लिक-प्रायव्हेट पार्टनरशिपच्या माध्यमातून कौशल्याधारित उपक्रमांवर भर कुलगुरू डॉ. विलास खर्चे यांचे सुतोवाच   

कृषी क्षेत्रातील कौशल्य विकास, शिक्षण, संशोधन आणि उद्योगाभिमुख उपक्रमांना नवी दिशा देण्यासाठी महात्मा फुले कृषी विद्यापीठ, राहुरी आणि पुणेस्थित सकाळ व ॲग्रोवन संलग्न नामांकित कौशल्य प्रशिक्षण संस्था एसआयआयएलसी (SIILC) यांच्यात दीर्घकालीन सहकार्याचा सामंजस्य करार करण्यात आला. विद्यापीठाचे कुलगुरू डॉ. विलास खर्चे यांच्या अध्यक्षतेखाली झालेल्या कार्यक्रमात विद्यापीठाचे विस्तार शिक्षण संचालक डॉ. गोरक्ष ससाणे आणि एसआयआयएलसीचे उपसरव्यवस्थापक अमोल बिरारी यांनी करारावर स्वाक्षऱ्या केल्या.

यावेळी संशोधन संचालक डॉ. प्रशांत बोडके, अधिष्ठाता डॉ. साताप्पा खरवडे, कुलसचिव राजेंद्रकुमार पाटील, कृषी अभियांत्रिकी महाविद्यालयाचे सहयोगी अधिष्ठाता डॉ. सचिन नलावडे, कृषी तंत्रज्ञानाचे सहयोगी अधिष्ठाता डॉ. राजेंद्र हिले, कुलगुरूंचे तांत्रिक अधिकारी डॉ. पवन कुलवाल, कृषी अभियांत्रिकी विभागप्रमुख डॉ. सुनील कदम, प्रकल्प प्रमुख मिलिंद कांबळे आदी उपस्थित होते.

अध्यक्षीय मार्गदर्शन करताना कुलगुरू डॉ. विलास खर्चे म्हणाले, “महात्मा फुले कृषी विद्यापीठ १२५ हून अधिक पिकांवर संशोधन व विकासाचे काम करत असून आतापर्यंत विविध पिकांचे ३२० वाण, ५५ कृषी यंत्रे आणि २,००० हून अधिक तंत्रज्ञान शिफारशी शेतकऱ्यांसाठी प्रसारित करण्यात आल्या आहेत. आज शेतीच्या प्रत्येक टप्प्यावर कौशल्याची आवश्यकता आहे. या सामंजस्य करारामुळे शेतकरी, महिला शेतकरी, विद्यार्थी, युवक आणि सर्वसामान्य घटकांना कौशल्याधारित प्रशिक्षण उपलब्ध होऊन उद्योजकतेला चालना मिळेल आणि आधुनिक पद्धतीने शेती करण्यास मदत होईल.”

प्रास्ताविकात विस्तार शिक्षण संचालक डॉ. गोरक्ष ससाणे म्हणाले की, “पब्लिक-प्रायव्हेट पार्टनरशिपच्या माध्यमातून विविध कौशल्याधारित उपक्रम संयुक्तपणे राबविण्यावर भर देण्यात येणार आहे. याचा लाभ कृषी व संलग्न क्षेत्रातील मनुष्यबळासह विद्यार्थी, युवक, शेतकरी आणि उद्योजकांना होणार आहे.”

एसआयआयएलसीचे उपसरव्यवस्थापक अमोल बिरारी यांनी सांगितले की, उद्योगांच्या गरजेनुसार कुशल मनुष्यबळ निर्माण करणारे प्रमाणपत्र, डिप्लोमा आणि अद्ययावत कौशल्य विकास अभ्यासक्रम संयुक्तपणे राबविण्यात येतील. तसेच सेंटर ऑफ एक्सलन्स, इनोव्हेशन हब, उद्योजकता विकास केंद्र आणि इनक्युबेशन उपक्रमांच्या माध्यमातून नवकल्पना व स्टार्टअप्सना प्रोत्साहन देण्यात येणार आहे.

*शेतकरी प्रशिक्षणापासून स्टार्टअप्सपर्यंत सहकार्य*
या सामंजस्य करारांतर्गत केंद्र व राज्य शासन, ICAR तसेच राष्ट्रीय व आंतरराष्ट्रीय संस्थांचे विविध प्रकल्प संयुक्तपणे राबविण्यात येणार आहेत. याशिवाय शेतकरी प्रशिक्षण, उद्योजकता कार्यशाळा, परिसंवाद, प्रदर्शन, परिषदा आणि तांत्रिक कार्यक्रमांचे आयोजन करण्यात येणार आहे.
या सहकार्यामुळे कृषी क्षेत्रातील कौशल्याधारित शिक्षणाला बळ मिळून रोजगार, स्वयंरोजगार आणि उद्योजकतेच्या नव्या संधी निर्माण होण्यास मदत होणार आहे. कृषी शिक्षण, संशोधन, उद्योग आणि कौशल्य विकास यांना एकत्र आणणारा हा करार कृषी क्षेत्रातील युवा पिढीसाठी विशेषतः महत्त्वपूर्ण ठरणार आहे.कार्यक्रमाचे सूत्रसंचालन व आभार डॉ. मृणाल आजोतीकर यांनी मानले.

      कृषी क्षेत्रातील कौशल्य विकास, शिक्षण, संशोधन आणि उद्योगाभिमुख उपक्रमांना नवी दिशा देण्यासाठी महात्मा फुले कृषी विद्यापीठ, राहुरी आणि पुणेस्थित सकाळ व ॲग्रोवन संलग्न नामांकित कौशल्य प्रशिक्षण संस्था एसआयआयएलसी (SIILC) यांच्यात दीर्घकालीन सहकार्याचा सामंजस्य करार करण्यात आला. विद्यापीठाचे कुलगुरू डॉ. विलास खर्चे यांच्या अध्यक्षतेखाली झालेल्या कार्यक्रमात विद्यापीठाचे विस्तार शिक्षण संचालक डॉ. गोरक्ष ससाणे आणि एसआयआयएलसीचे उपसरव्यवस्थापक अमोल बिरारी यांनी करारावर स्वाक्षऱ्या केल्या.

यावेळी संशोधन संचालक डॉ. प्रशांत बोडके, अधिष्ठाता डॉ. साताप्पा खरवडे, कुलसचिव राजेंद्रकुमार पाटील, कृषी अभियांत्रिकी महाविद्यालयाचे सहयोगी अधिष्ठाता डॉ. सचिन नलावडे, कृषी तंत्रज्ञानाचे सहयोगी अधिष्ठाता डॉ. राजेंद्र हिले, कुलगुरूंचे तांत्रिक अधिकारी डॉ. पवन कुलवाल, कृषी अभियांत्रिकी विभागप्रमुख डॉ. सुनील कदम, प्रकल्प प्रमुख मिलिंद कांबळे आदी उपस्थित होते.

अध्यक्षीय मार्गदर्शन करताना कुलगुरू डॉ. विलास खर्चे म्हणाले, “महात्मा फुले कृषी विद्यापीठ १२५ हून अधिक पिकांवर संशोधन व विकासाचे काम करत असून आतापर्यंत विविध पिकांचे ३२० वाण, ५५ कृषी यंत्रे आणि २,००० हून अधिक तंत्रज्ञान शिफारशी शेतकऱ्यांसाठी प्रसारित करण्यात आल्या आहेत. आज शेतीच्या प्रत्येक टप्प्यावर कौशल्याची आवश्यकता आहे. या सामंजस्य करारामुळे शेतकरी, महिला शेतकरी, विद्यार्थी, युवक आणि सर्वसामान्य घटकांना कौशल्याधारित प्रशिक्षण उपलब्ध होऊन उद्योजकतेला चालना मिळेल आणि आधुनिक पद्धतीने शेती करण्यास मदत होईल.”

प्रस्ताविकात विस्तार शिक्षण संचालक डॉ. गोरक्ष ससाणे म्हणाले की, “पब्लिक-प्रायव्हेट पार्टनरशिपच्या माध्यमातून विविध कौशल्याधारित उपक्रम संयुक्तपणे राबविण्यावर भर देण्यात येणार आहे. याचा लाभ कृषी व संलग्न क्षेत्रातील मनुष्यबळासह विद्यार्थी, युवक, शेतकरी आणि उद्योजकांना होणार आहे.” आयआयएलसीचे उपसरव्यवस्थापक अमोल बिरारी यांनी सांगितले की, उद्योगांच्या गरजेनुसार कुशल मनुष्यबळ निर्माण करणारे प्रमाणपत्र, डिप्लोमा आणि अद्ययावत कौशल्य विकास अभ्यासक्रम संयुक्तपणे राबविण्यात येतील. तसेच सेंटर ऑफ एक्सलन्स, इनोव्हेशन हब, उद्योजकता विकास केंद्र आणि इनक्युबेशन उपक्रमांच्या माध्यमातून नवकल्पना व स्टार्टअप्सना प्रोत्साहन देण्यात येणार आहे.

शेतकरी प्रशिक्षणापासून स्टार्टअप्सपर्यंत सहकार्य

या सामंजस्य करारांतर्गत केंद्र व राज्य शासन, ICAR तसेच राष्ट्रीय व आंतरराष्ट्रीय संस्थांचे विविध प्रकल्प संयुक्तपणे राबविण्यात येणार आहेत. याशिवाय शेतकरी प्रशिक्षण, उद्योजकता कार्यशाळा, परिसंवाद, प्रदर्शन, परिषदा आणि तांत्रिक कार्यक्रमांचे आयोजन करण्यात येणार आहे.

या सहकार्यामुळे कृषी क्षेत्रातील कौशल्याधारित शिक्षणाला बळ मिळून रोजगार, स्वयंरोजगार आणि उद्योजकतेच्या नव्या संधी निर्माण होण्यास मदत होणार आहे. कृषी शिक्षण, संशोधन, उद्योग आणि कौशल्य विकास यांना एकत्र आणणारा हा करार कृषी क्षेत्रातील युवा पिढीसाठी विशेषतः महत्त्वपूर्ण ठरणार आहे.कार्यक्रमाचे सूत्रसंचालन व आभार डॉ. मृणाल आजोतीकर यांनी मानले.

विद्यापीठ प्रतिनिधी. आर.आर. जाधव 

The post महात्मा फुले कृषी विद्यापीठ–एसआयआयएलसीमध्ये सामंजस्य करार संपन्न appeared first on PANTHAR DANAKA NEWS 14.

धामोरी खुर्द येथील अर्जुन बाळाजी जाधव यांचे दुःखद निधन धामोरी खुर्द येथील रहिवासी अर्जुन बाळाजी जाधव यांचे दि. १० ऑगस्ट २०२६ रोजी अल्पशा आजाराने दुःखद निधन झाले.

जाधव हे महात्मा फुले कृषी विद्यापीठ, राहुरी येथून सेवेतून सेवानिवृत्त झाले होते. अत्यंत मनमिळावू व प्रेमळ स्वभावामुळे ते धामोरी पंचक्रोशीतील नागरिकांमध्ये अत्यंत लोकप्रिय होते. त्यांच्या निधनाची वार्ता समजताच संपूर्ण पंचक्रोशीत हळहळ व्यक्त होत आहे.

त्यांच्या पश्चात पत्नी, दोन मुले, मुलगी, जावई व नातवंडे असा परिवार आहे. तसेच ज्येष्ठ पत्रकार आर. आर. जाधव यांचे ते चुलते होत.त्यांच्या निधनाने जाधव कुटुंबीयांवर तसेच मित्रपरिवारावर दुःखाचा डोंगर कोसळला आहे

.भावपूर्ण श्रद्धांजली! ईश्वर त्यांच्या आत्म्यास चिरशांती देवो.

विद्यापीठ प्रतिनिधी.आर.आर.जाधव 

The post धामोरी खुर्द येथील अर्जुन बाळाजी जाधव यांचे दुःखद निधन appeared first on PANTHAR DANAKA NEWS 14.