मानवाच्या शाश्वत विकासासाठी पर्यावरण संवर्धन महत्त्वाचे
विस्तार शिक्षण संचालक डॉ. गोरक्ष ससाणे मानवाच्या शाश्वत विकासासाठी पर्यावरणाचे महत्त्व मोठे आहे. त्यासाठी पर्यावरण समृद्ध असणे गरजेचे असून प्रत्येकाने एक तरी झाड लावून त्याचे जतन करणे आवश्यक आहे. एक झाड लावणे म्हणजे एक भविष्य घडवणे होय असे प्रतिपादन महात्मा फुले कृषी विद्यापीठाचे विस्तार शिक्षण संचालक डॉ. गोरक्ष ससाणे यांनी केले.
बुऱ्हाणनगर ता. जि. अहिल्यानगर येथील संकल्प अकॅडमी आणि रोटरी क्लब ऑफ अहिल्यानगर इंटिग्रिटी क्लब यांच्या संयुक्त विद्यमाने आणि निलंगी गडाख संचालिका, संकल्प अकॅडमी यांच्या मार्गदर्शनाखाली शिक्षक दिनाचे औचित्य साधून वृक्षारोपण कार्यक्रमाचे आयोजन करण्यात आले होते. याप्रसंगी वृक्षारोपण झाल्यानंतर प्रमुख पाहुणे म्हणून मार्गदर्शन करताना डॉ. गोरक्ष ससाणे बोलत होते. याप्रसंगी मुळा एज्युकेशन सोसायटीचे शैक्षणिक प्रमुख व एच. आर. श्री. संदीप खेडकर, रोटरी क्लब ऑफ अहिल्यानगर इंटिग्रिटीचे अध्यक्ष रोटेरियन श्री. सईद शेख, रोटरी क्लबच्या सदस्या अँड. ज्योत्स्ना ससाणे व संकल्प अकॅडमीच्या प्राचार्या श्रीमती विना मुंगी उपस्थित होत्या.
याप्रसंगी श्री. संदीप खेडकर यांनी विद्यार्थी व मान्यवरांना वृक्षारोपणाचे महत्त्व समजावून सांगितले. यानंतर उपस्थित सर्वांनी पर्यावरण संरक्षणाची प्रतिज्ञा घेतली. यावेळी प्रमुख पाहुणे आणि विद्यार्थ्यांच्या हस्ते वृक्षारोपण करण्यात आले. कार्यक्रमाचे सूत्रसंचालन शिक्षिका मुबीना शेख यांनी तर आभार श्रीमती विना मुंगी यांनी मानले. या कार्यक्रमासाठी संकल्प अकॅडमीतील विद्यार्थी व शिक्षक तसेच रोटरी क्लब ऑफ अहमदनगर इंटिग्रिटीचे पदाधिकारी मोठ्या संख्येने उपस्थित होते.
विद्यापीठ प्रतिनिधी. आर.आर.जाधव
✍🏻मुख्य संपादक – संजय जाधव
✍️उप संपादक – ऋषी पोळ
✍️कार्यकारी संपादक – दिपक साळवे
✍️तालुका प्रतिनिधी – योगेश पवार
