शिर्डी : अनुसूचित जातीच्या आरक्षणातील उपवर्गीकरणाच्या मुद्द्यावरून राज्यात विविध स्तरांवर चर्चा सुरू असताना, उपवर्गीकरणाला विरोध करणाऱ्या संघटना व समाजबांधवांच्या वतीने ३० ऑक्टोबर २०२६ रोजी शिर्डी येथे महामोर्चाचे आयोजन करण्यात आले आहे.
आरक्षणाच्या माध्यमातून सामाजिक व शैक्षणिकदृष्ट्या मागास घटकांना मिळणाऱ्या प्रतिनिधित्वावर उपवर्गीकरणाचा परिणाम होऊ शकतो, अशी भूमिका मोर्चाच्या आयोजकांकडून मांडण्यात येत आहे. त्यामुळे आरक्षणाच्या विद्यमान व्यवस्थेत कोणताही बदल करण्यापूर्वी संबंधित समाजघटकांच्या मागण्या व भूमिका विचारात घ्याव्यात, अशी मागणी करण्यात येत आहे.
या पार्श्वभूमीवर ३० ऑक्टोबर रोजी शिर्डी येथे मोठ्या संख्येने समाजबांधवांनी एकत्र येऊन आपली भूमिका शासनापर्यंत पोहोचवावी, असे आवाहन आयोजकांकडून करण्यात आले आहे. महामोर्चाच्या माध्यमातून आरक्षण उपवर्गीकरणाच्या निर्णयाला विरोध दर्शविण्यासह शासनाकडे विविध मागण्या मांडण्यात येणार आहेत.
महामोर्चाच्या नियोजनासाठी विविध संघटना, पदाधिकारी व कार्यकर्त्यांकडून जनजागृती आणि संपर्क अभियान सुरू करण्याची तयारी करण्यात येत आहे. गावागावांत बैठका घेऊन नागरिकांना मोर्चाची माहिती देण्यात येणार असल्याचे आयोजकांकडून सांगण्यात येत आहे.
३० ऑक्टोबर रोजी शिर्डीत होणाऱ्या या महामोर्चाकडे आता प्रशासनासह विविध समाजघटकांचे लक्ष लागले आहे.
✍🏻मुख्य संपादक – संजय जाधव
✍️उप संपादक – ऋषी पोळ
✍️कार्यकारी संपादक – दिपक साळवे
✍️तालुका प्रतिनिधी – योगेश पवार
