राहुरी तालुक्यातील आयुष बाबासाहेब जाधव यांची जिद्द आणि यशाची कहाणी
राहुरी तालुक्यातील वाघाचा आखाडा येथील आयुष बाबासाहेब जाधव या अपंग विद्यार्थ्याने आपल्या जिद्द, मेहनत आणि चिकाटीच्या जोरावर दहावीच्या परीक्षेत उल्लेखनीय यश संपादन केले आहे. ७६% अपंगत्व असतानाही आयुषने पायाने पेपर लिहून तब्बल ८२% गुण मिळवत सर्वांचे लक्ष वेधून घेतले आहे.
आयुषचे वडील बाबासाहेब जाधव हे व्यावसायिक फोटोग्राफर असून आपल्या कुटुंबाचा उदरनिर्वाह मोठ्या मेहनतीने करतात. दोन मुलांपैकी आयुष हा जरी शारीरिक अडचणींशी झुंज देत असला तरी त्याने शिक्षणात कधीच तडजोड केली नाही. त्यांचा धाकटा मुलगा प्रशिक जाधव हा इयत्ता चौथीचा विद्यार्थी असून त्याची राष्ट्रीय बुद्धिबळ स्पर्धेसाठी निवड होणे ही कुटुंबासाठी आणखी एक अभिमानाची बाब ठरली आहे.
दहावीची पुणे बोर्डाची परीक्षा आयुषने अतिशय खडतर परिस्थितीत दिली. हातांचा वापर शक्य नसल्याने त्याने पूर्ण परीक्षेत पायाच्या सहाय्याने लेखन केले. काही दिवसांपूर्वी लागलेल्या निकालात त्याने ८२% गुणांची जोरदार मजल मारत उत्तीर्ण होऊन सर्वांना प्रेरणा दिली आहे आयुषच्या या यशाचे गावात, तालुक्यात तसेच सर्वत्र प्रशंसनीय स्वागत होत आहे. शारीरिक अडथळ्यांवर मात करून शिक्षणात मिळवलेले हे यश जिद्द, संघर्ष आणि आत्मविश्वासाचे उत्तम उदाहरण ठरत आहे.
दिपक साळवे सह योगेश पवार न्युज फोर्टिन राहुरी
✍🏻मुख्य संपादक – संजय जाधव
✍️उप संपादक – ऋषी पोळ
✍️कार्यकारी संपादक – दिपक साळवे
✍️तालुका प्रतिनिधी – योगेश पवार
